【Viu】由黃秋生、陳淑儀主演嘅舞台劇《螳螂捕蟬》，今日趁排練嗰陣宣布加開多一場，即嚟緊5月頭喺戲曲中心total公演15場！有冇諗過加日場？咁咪可以減輕啲飛債？
距離演出仲有大半個月，黃秋生直言都開始feel到緊張，不過呢個緊張感係必須嘅，只係劇中有大量嘅動作戲，同陳淑儀排埋身肉搏戲更打爆道具，咁激？黃秋生不停自嘲年紀大啦，所以排完都攰攰地，喺呢個時候就要使出一招極速醒神方法，佢仲話係有個法國rock star教佢：「醒到第二朝呀！」點知訪問突變爆料大會，黃秋生加碼再爆陳淑儀好似自cut咗一個碌地戲，陳淑儀又點回應呢？
嚟緊有兩個頒獎禮舉行，就係金像獎同埋舞台劇獎，黃秋生笑話淨係睇咗劉青雲套《爸爸》，大讚老友演到爐火純青，都睇好青雲攞影帝！至於陳淑儀就睇好黃子華封劇帝，但會唔會戥子華神冇得角逐金像獎影帝可惜？陳淑儀就話唔熟遊戲規則啦！另外，問到黃秋生有冇留意王晶對姜濤嘅評論？黃秋生擰晒頭話時運高冇留意，笑話：「人哋真係肥得嚟可愛，佢又唔抵得！」快嘅去睇足本訪問啦！
