【Viu】尹光、和泉素行（Soko）同徐㴓喬（Asha）今日出席ViuTV新節目《堅返鄉下》記者會，分享返鄉下越南、日本同菲律賓嘅趣事。光哥爆笑話因為越南人越嚟越有錢，所以越嚟越多肥婆，咦？咁肥婆隻雞有冇甩晒毛呢？光哥就更正歌詞其實係「肥婆買雞抆晒毛」，仲即席唱多次畀大家聽，勁Funny呀！
當光哥聽到Soko同巴西女仔有艷遇時，立即深表羨慕，仲笑言想下輯可以撇甩老婆去越南求艷遇，好大膽呀！而Asha就話最難忘係帶咗成隊Crew返菲律賓同爸爸慶祝90大壽、仲爆爸爸酒量差，3罐啤酒就冧。想知節目有咩爆點，就睇足本訪問啦！
