【Viu】Tiger邱傲然嚟緊7月3號就25歲生日喇!小虎隊點可以唔慶祝爆佢!由噚日開始至7月14號將會喺尖沙咀加連威老道38號舉辦《傲尋 ‧ 然光 The Hidden Treasure》多重感官展覧。
其中一Part係由Tiger嘅個人服飾品牌Dezert聯乘小虎隊特別設立《DEZERT X TIGER CONSERVATION》Pop Up Store。仲有3部生日限定扭蛋機。有嘢買仲有嘢玩,通過場館嘅「光影隧道」,就見到「虎盜」親自為活動錄製嘅任務指令,等小虎隊們都化身特務,完成一連串任務。
唔好唔記得,由6月28至7月25將會有110號路線嘅「虎巴士」,由筲箕灣行駛去尖沙咀,大家記得捕住打卡。虎巴士仲首次踏足澳門街頭呀喂!今日仲有3位靚靚小虎隊員分別係魚仔、Kathy、Kim為Viu1導航成個展覽添,佢哋仲搞笑話一邊睇《打天下2》,想做俾虎仔打嗰個呀Come On,勁正呀!