Photo／姜濤 facebook
MIRROR成員姜濤日前獲加拿大中文電台頒發多個音樂獎項，包括男歌手獎。近期飽受批評、久未露面的他，透過錄音發表得獎感言時表示「我會努力㗎喇，唔會令大家再失望」。
姜濤去年7月因MIRROR演唱會事故停工，復工未幾，11月又在商台的明星籃球賽中受腳傷，元旦出席叱咤頒獎禮後，就被批評身形暴漲，表演失準。此後姜濤一直未有現身公開活動，連社交平台賬戶也沒更新。
姜濤在社交平台的最新貼文，已是去年的冬至祝福。Photo／姜濤 facebook
日前「加拿大至HIT中文歌曲排行榜全國總選」賽果出爐，姜濤憑歌曲《風雨不改》獲得「專業推崇10大粵語歌曲」，並冧莊「至HIT推崇男歌手」；MIRROR同時蟬聯「至HIT推崇組合」。
「2021加拿大至HIT中文歌曲排行榜總選」分粵語及國語獎項，全球樂迷票數佔70%，加拿大中文電台DJ票數佔30%。Photo／加拿大中文電台網站截圖
姜濤：2023年動向……有好多歌
姜濤錄音致辭，「好多謝加拿大中文電台，之前我都好似有攞過呢兩個獎，好多謝！原來係所有DJ同樂迷投票選出，好多謝嗰邊嘅DJ同樂迷一直咁支持我！呢個真係估唔到，因為第一年攞嘅時候老實講冇咁大概念，依家攞咗令我霎時諗起大家有一直默默支持我，呢樣好感動！」
其間姜濤輕輕帶過今年大計「2023年動向……有好多歌」，但強調「我會努力㗎喇，唔會令大家再失望。」
