【Viu】Kayan9896日前為主題樂園嘅聖誕活動做嘉賓，除咗化身一日實習生，帶住LinaBell現身同招呼賓客外，仲兼任「聖誕歌詠團」一員，合唱《Winter Wonderland》同《We wish you a merry christmas》，最後仲換上靚靚造型出席聖誕樹亮燈儀式添呀！Kayan認呢個係人生嘅Magic Moments，事關細個每年聖誕都去主題樂園玩，仲一度想入去做兼職，今次終於圓夢喇！
佢又話自覺細個似灰姑娘，成日要做家務，希望終有一日遇到王子嚟救自己，咦，咁Locker算唔算呀？Kayan搞笑話係美女與野獸入面嘅野獸，仲話大家都有眼睇啦！喂呀！咁mean嘅！此外，Kayan預告會出跳唱歌，目前已積極練舞，仲自信咁Groove咗幾吓，有板有眼喎！
