【Now Sports】香港U23門將雲天樂（Micky）日前在Instagram發長文自白絕望之情，稱今季球隊表現甚至管理層的規劃是摧毀夢想。
由霍啟山注資的香港U23成軍3年，過去兩季未能在聯賽收穫勝仗，甚至每每大敗收場，今季港超僅踢畢18場，失球數已達67球，只可從菁英盃賽事中小修小補，直至今季聯賽方從晉鋒身上斬獲3分，歷盡艱澀才能取得開門紅，成績看似有些少進步，但正如主帥司徒文俊說「每每要從犯錯中成長，代價太大」，一切代價便是要球員如影印機般生吞每場大敗，才獲得一場「慘勝」，以上種種惡果令陣中門將雲天樂不堪忍受，日前在IG發文剖開內心的憤懣。
「我已經數唔清呢次係今季第幾次，經歷毫無還擊之力嘅慘敗。去到季尾，我有啲嘢想講。」
「猶記得當初仍在英國讀書，暑假滿懷對足球嘅熱誠，去左南區跟操2個月。臨返英國前，一位我好敬佩嘅守門員前輩問，點解你只需要留多2年係英國就可以攞英國護照，點解咁傻，想返香港踢波？屋企人冇鬧你咩？當時我只記得我隱晦講咗一句，『夢想嚟嘅，呢刻唔做我就一定會後悔。我想畢業後返嚟香港踢波。我真係好想踢職業足球，代表港隊。』」
他在文中自言捨棄在英留學甚至獲取英國護照的機會，將現實的考慮放於一旁，為的是留在港超實現職員球員夢，回流後更以「追夢價」加入香港U23，亦明言無悔為了夢想所作的犧牲。
該名22歲門將指即使不斷大敗，心中從未有過「輸小當贏」這種令他厭惡的想法，並將己隊比喻為中一新生去應考文憑試，必不能與如經驗豐富的中六生同日而語，要他們在欠支援下面對富港超經驗的球員，深感無奈，所以他亦明白及理解外界對U23的批評。
「外界一定對我哋有期望，不過因為成績如此，難免，對我哋U23會有各種難聽嘅批評聲音……U23始終代表香港年輕嘅一代，而踢成咁，好難令人對我哋產生任何好感，甚或支持亦無可厚非。畢竟，球賽落差太大，觀賞性競技性低，接受批評，係在所難免嘅事。」
雲天樂在文章末段帶出當初對球隊抱有期望，可惜現況種種輾碎了他的夢想、侵蝕意志，甚至羞於告訴別人自己球員的身份，「當初希望自己可以一步一步踢上更高水平，外流，雖然聽落好似係痴人說夢，但我仍然相信，努力係會有回報。不過現况就係，『摧毀夢想，磨滅意志』。」
不過，Micky在黑暗中透露出一絲亮光，稱即使他深感絕望，仍會在深淵中點燃己身永不熄滅的足球火繼續前行。
全文內容：https://bit.ly/3UAihoS