【A&M Diary】長沙灣：一個會令你充滿處處驚喜嘅地方！作為舊區、作為工業區、作為批發市場，卻又有新建樓宇、人氣商場，處於新舊交融之中，卻一啲都唔葵介。人來人往中，仲有一間非常精緻，放滿乾花嘅文青打卡cafe：Boholic，為呢個區帶嚟另一種感覺。
Boholic全日早餐
呢個all day breakfast夠晒大堆頭啊！除咗常見嘅香腸草，扒茄、香烤鮮菠蘿、牛角包、大啡菇、太陽蛋、煙三文魚同澳洲沙律菜。大部分嘅食材都有略煎，驚喜連牛角包都帶有微溫，唔會食落去凍冰冰，夠晒誠意。值得一讚嘅係三文魚同埋沙律菜都非常新鮮。而微烤過嘅菠蘿令甜味更加突出，非常Juicy。
丸久小山園抹茶士多啤梨麻糬牛角窩夫
嚟到打卡Cafe又點少得一個打卡嘅甜品呢！濃郁但帶有微甘嘅抹茶忌廉，令整到甜品味道唔會偏甜；至於牛角窩夫非常鬆脆，加上煙靭嘅麻糬，令到口感有多重層次。
