【A&M Diary】悶熱嘅天氣真係令人無乜胃口，想醒胃醒神最啱就係食泰國菜！泰國菜嘅香辣、酸酸甜甜嘅味道，絕對為味蕾帶嚟衝擊。位於元朗嘅薄荷葉泰國菜就充滿泰國風情，餐廳分為室內同室外兩部份，掛上泰式民俗燈，加上味道正宗，值得推介。
冬蔭功湯
食泰國菜又點少得冬蔭功湯呢？估唔到細size都有五、六碗湯飲，份量十足。湯料都非常豐富，有香茅、香葉、香菇、蝦等，味道酸酸辣辣，夠晒開胃。
肉碎生菜包
用新鮮爽脆嘅生菜包住帶有洋蔥、香葉，味道微辣嘅肉碎，味道更具層次，簡直令人食唔停口。
泰式燒牛仔骨
牛仔骨大大塊，而且鮮嫩多汁，一啲都唔韌。加上店舖自家調製嘅醬汁，大大提升咗牛仔骨嘅味道。
椒鹽魔鬼魚
