【A&M Diary】旺角人多車多遊客又多，想喺急速嘅節奏下尋找慢生活？講起慢生活，好自然就諗起台灣菜。嚟到位於旺角嘅三公，餐廳除咗以地道台灣菜做主打，餐廳設計更融入台灣文青風，絕對係一步入魂，從繁忙嘅生活一步走到去慢活嘅步調。
香菇貢丸湯
看似簡單，但其實湯底落足功夫，非常清甜，而香菇貢丸爽口彈牙。
台式滷味
講到台灣菜，最鍾意就係夜市嘅加熱滷味，估唔到三公都有得食！呢碗台式滷味有鴨舌、蘿蔔、豆腐、水蓮、杏鮑菇，每款都夠入味，特別鍾意非常清甜嘅蘿蔔，但如果個滷味汁再濃郁啲就更完美。
香酥排骨滷肉飯便當
滷肉飯絕對係台灣嘅國菜，所以嚟到台式餐廳又點可以唔叫呢？滷肉嘅份量十足，肥瘦均勻，油香豐富，醬汁香濃！至於香酥排骨即叫即炸，夠晒鬆化香口。
安平蝦卷椒麻拌麵便當
拌麵加上麻醬，又香又滑，邪惡得嚟夠晒滿足。至於安平蝦卷熱辣辣，味道充滿鹹香，夠晒香脆彈牙。
檸檬白玉愛玉
