【Viu】潘杰寧、谷德昭同香港足球代表隊成員夏志明,噚日出席Now TV活動,宣傳全新Android盒子Now H ONE。杰寧公主大讚Now H1功能多多,啱晒咁多位球迷,皆因可以預設幾點開電視睇波,唔怕Miss咗精彩球賽。講到日前利物浦飲恨英超冠軍,身為「利迷天花板」嘅佢,自爆當晚心情十足坐過山車,賽後要游車河散心,惟有寄望稍後舉行嘅歐冠盃。講到早排佢同Dickson余德丞齊齊為Football Partyroom講波,紅都面晒,杰寧公主冧爆話一直有睇Dickson講波,當日佢喺自己耳邊講嘢,又識哄人,所以特別冧豬咁話,識貨喎!
此外,谷導透露《爆谷一周》會添食,自己同ViuTV都有綜藝以外嘅合作,但就落閘話自己冇MIRROR演唱會飛,又笑指花姐最近「潛水」添呀!
杰寧公主冧爆余德丞識哄人 谷德昭要為MIRROR演唱會鄭重澄清