【Viu】MIRROR順利完成新加坡站巡迴演唱會昨晚（2日）返港，但只見其中11子，Jer就stay behind同屋企人去玩！每位鏡仔步出VIP通道都變「開籠雀」開心share新加坡站趣事，氣氛超好！
率先登場嘅係Ian，笑談福建話之外，又講到孖Frankie喺新加坡覓食，但唔係食著名嘅胡椒蟹，竟然係食⋯，見陳仔講完都心虛笑咗吓！Jer喺新加坡站首唱新歌，Ian都心郁郁想跟隊，究竟會唔會早過solo concert有新歌聽？
巡唱淨番澳門站，隊長Lokman同Alton感觸話好唔捨得，希望喺尾站畀到surprise鏡粉！緊接出場嘅係AK同Tiger，AK私心之後想去日本巡唱，嚟緊都要開始同Ian準備solo concert！而「志浩」AK、「戴凱天」Tiger最後亦不忘宣傳《打天下2》！
「落機E」Edan、「大表波」Stanley搞笑揮手出場，提到Edan post姜濤扯鼻鼾片做生日禮物，佢抵死還原拍片過程，但重申係有得到壽星仔嘅批准先post嘅！見大表波出post話唔多滿意自己表演，點解呢？Edan澳門站又會唔會唱新歌？
接住歡迎大一歲、25歲嘅姜濤！佢笑話喺當地做訪問收到好多個生日蛋糕，為咗keep fit都唔敢放肆食，又指雖然正日生日唔喺香港，但有睇到姜家人為佢慶生！講到被Edan post瞓覺片，姜濤大笑話證明走tour係好攰！
最後一批現身嘅係「教主」Anson Lo、Jeremy同Frankie，佢哋不約而同話喺新加坡呢個咁熱嘅地方開騷，係挑戰體能嘅新高峰，個個都要出動背心！事前一心想睇「會噴水嗰個口（魚尾獅）」嘅Jeremy，慘豬話因為要做嘢就冇去睇到！教主話教母佢哋去咗旅行，所以返到屋企要自己煮宵夜，what？但教主翌日要去電台宣傳⋯希望教主一切順利！即去足本訪問片聽11子仲講咗啲咩！
