【A&M Diary】【英國諾定咸美食 | 正野冰室】近年唔少人離鄉別井，離開一個熟悉嘅地方，同屋企人、朋友暫別，移居英國開展新生活。嚟到英國之後，相遇不再是偶然，重逢變得更矜貴，珍惜嘅仲有熟悉嘅味道。喺英國諾定咸嘅正野冰室，主打港式味道，嗰種久違嘅人情味！
薑蔥霸王雞飯
老闆移居前做文職，雖然無學廚經驗，但有一顆謙卑嘅心，好似當我哋一坐低就介紹餐廳嘅招牌菜，食食吓又會主動問吓食客嘅意見，非常用心。至於呢個薑蔥霸王雞飯，雞肉非常嫩滑，帶有淡淡嘅薑蔥香味，充滿層次，送飯一流！
港式豉油王鮮魷炒麵
鮮魷嘅份量十足，非常足料；至於炒麵預先炸過，所以夠晒香口！不過，豉油好似重手咗，略嫌過鹹。
港式譚生（3小辣）足料麻辣米線
米線嘅配料有腐皮、芽菜、魚蛋、牛丸、豆卜等，份量同樣十足，夠晒抵食！湯底方面，麻同辣都係非常輕微，唔食辣都啱食，惟孜然味相對凸出。
