【A&M Diary】食神駕臨大埔呀！喺灣仔大受歡迎嘅人氣食店：竺扶大班燒味，喺大埔開設全新分店，餐廳同樣由藍帶名廚主理，所以燒味出品極具口碑，除咗啱晒大埔街坊們去斬料加餸之外，仲可以好似我哋咁，約埋住喺大埔嘅屋企人坐低慢慢嘆呢！
燒鵝五寶飯
竺扶大班出名燒味，如果咩都想試吓，識揀就一定揀燒鵝五寶飯喇，可以一次過試齊竺扶大班燒味嘅名物，好似係金鐘罩燒鵝、銷魂叉燒皇同霹靂燒腩仔等。無論係燒鵝、叉燒定係燒腩仔，佢嘅肥瘦度都係啱啱好，完全唔洗擔心會太肥難入口，又或者太瘦會好靭呢個問題。呢三樣燒味都燒到皮脆肉軟，有淡淡油香滲落白飯，燒味砌滿成碗飯，份量十足，完全係一食愛上。
豉椒味菜炒鵝腸
竺扶大班燒味嘅燒鵝最出名，所以就要由外試到內，試埋新出嘅豉椒味菜炒鵝腸啦！雖然係用味菜炒，但完全唔會過鹹，反而惹味嘅豉椒同味菜令鵝腸更香。仲有三色椒嘅配搭，色香味俱全。
