【A&M Diary】【溜冰場好去處推介2023】「踩冰」絕對係上世紀嘅潮語，真係暴露年齡系列呀！但其實大家多唔多去溜冰呢？我同M佬兩個一齊只係溜過兩次冰，因為M佬平衡力實在太差，所以嗰兩次溜冰經驗，我都係笑足全程，亦令M佬蒙上溜冰陰影！但邊度跌低就邊度起返身，所以我哋嚴選港九新界7大真雪溜冰場，一文睇晒開放時間、價錢收費等全攻略，讓M佬再次踏上冰途。
溜冰場好去處推介2023 | 溜冰場好去處1. 太古城中心冰上皇宮 Ice Palace
開放時間：星期一至星期五 09:30 – 21:00；星期六 08:00 – 21:00；星期日 08:00 – 20:00（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期四 $80起；星期五 $85起；星期六及星期日$105起
冰面面積：800平方米
賣點：作為港島區唯一嘅溜冰場，太古城中心冰上皇宮Ice Palace溜冰場喺2020年作全面翻新，採用環保製冷劑同時更新音樂系統及燈光設備，令溜冰體驗更高質
溜冰場好去處推介2023 | 溜冰場好去處2. 又一城歡天雪地glacier
開放時間：星期一至星期日 10:30 – 21:00（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期五 $75起；星期六至星期日 $85起
冰面面積：1,150平方米
賣點：因為新界東係無溜冰場，而最近嘅溜冰場就係九龍塘又一城嘅歡天雪地glacier溜冰場！又一城歡天雪地glacier溜冰場係全港面積第四大嘅溜冰場，空間感十足，加上又一城商場亦設有戲院、各類型商鋪同食肆，啱晒大家玩足一整日呀
溜冰場好去處推介2023 | 溜冰場好去處3. 西九龍中心飛龍冰上樂園 Sky Rink
開放時間：星期一 10:00 – 20:00；星期二至星期三 10:00 – 21:00；星期四 10:00 – 19:30；星期五 10:00 – 20:00；星期六 10:30 – 21:00；星期日 10:30 – 18:00（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期日 $80起
冰面面積：738平方米
賣點：除咗新界車之外，新界要自從元朗同荃灣嘅溜冰場執笠之後，地理位置最近新果西嘅溜冰場就係西九龍中心嘅飛龍冰上樂園Sky Rink。不過，呢個溜冰場除咗細，就係舊。但收費相對親民，所以仍深得大家喜愛
溜冰場好去處推介2023 | 溜冰場好去處4. 九龍灣MegaBox Mega Ice
開放時間：星期一至星期五 10:00 – 23:30；星期六及星期日 09:00 – 23:59（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期五 $70起；星期六及星期日$90起
冰面面積：1,482平方米
賣點：位於九龍灣MegaBox嘅Mega Ice溜冰場係全港第三大嘅溜冰場，溜冰場除咗面積寬闊，仲設有大型落地玻璃，喺溜冰時可以飽覽東九龍海岸景色
溜冰場好去處推介2023 | 溜冰場好去處5. 九龍圓方The Rink
開放時間：星期一至星期日 10:00 – 22:00（部份時般為溜冰課堂時段，不接受公眾入場，詳情請瀏覽官方網頁）
收費：$20入場費，另加$1.1/分鐘（星期一至星期四）；$1.6/分鐘（星期五至星期日）
冰面面積：920平方米
賣點：位於九龍站圓方嘅The Rink溜冰場採用全港唯一嘅每分鐘收費概念，每次出入冰面都要拍八達通卡，所以非常適合溜冰時間短嘅玩家，但如果想長時間溜冰嘅話，收費就會好貴
溜冰場好去處推介2023 | 溜冰場好去處6. 日出康城 LOHAS Rink
開放時間：星期一 10:00 – 22:00；星期二 10:00 – 17:00；星期三 10:00 – 18:00；星期四至星期六 10:00 – 22:00；星期日 10:00 – 17:30（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期四 $75起；星期五 $85起；星期六至星期日 $100起
冰面面積：1,579平方米
賣點：位於日出康城嘅LOHAS Rink溜冰場係全港最新嘅溜冰場之一，加上面積為全港第二大，符合國際溜冰場標準
溜冰場好去處推介2023 | 溜冰場好去處7. 愉景灣溜冰場 DB Ice Rink
開放時間：星期一至星期二 10:00 – 19:00；星期三 10:00 – 18:00；星期四 10:00 – 18:30；星期五 10:00 – 22:00；星期六 10:00 – 19:00；星期日 13:30 – 19:00（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期五 $60起；星期六及星期日 $80
冰面面積：1,593平方米
賣點：另一間全新開幕嘅溜冰場就位於大嶼山愉景灣嘅DB Ice Rink，面積比日出康城 LOHAS Rink溜冰場大14平方米，符合國際標準之餘，亦係全港最大嘅溜冰場。雖然去愉景灣DB Ice Rink溜冰場嘅交通唔算方便，但因為愉景灣溜冰場主要服務當地居民，所以所有設施都屬於高質水平
