【A&M Diary】香港嘅博物館好多，除咗平時大家都非常熟悉嘅太空館、科學館之外，位於九龍灣國際展貿中心隔離，就有機電工程署轄下嘅「機電 ‧ 夢飛翔」展覽館，透過唔同嘅互動遊戲讓小朋友認識香港嘅機電及電子工程。展館嘅面積唔大，加上互動遊戲相對適合小朋友，所以不坊配合九龍灣其他景點合成一個一天遊啦！
機電工程署
機電工程署係香港機電安全嘅規管者，除咗執行機電相關嘅法例，亦會向業界同公眾推廣機電安全意識。同時亦為市民生活上提供一切有關機電服務上嘅支援，例如：市政、文娛、醫院、機場、碼頭同邊境保安等有關機電操作及維修保養服務。而位於九龍灣嘅機電工程署總部，前身為啓德機場之香港空運貨站二號大樓，於2005年改建為機電工程署新總部大樓。
「機電 • 夢飛翔」展覽館
展覽館位於機電工程署新總部大樓地下，館內設有多個互動遊戲讓大家了解機電工程嘅有趣事情。同時亦透過不同遊戲讓大家了解生活上節能嘅方法。
