【A&M Diary】最唔鍾意嘅炎夏，終於都嚟喇！又熱又曬嘅日子，就連胃口都大減，所以真係佩服住喺熱帶地區嘅地球人。佢哋嘅身體除咗有較強嘅耐熱適應能力之外，佢哋亦會從食物入手，以清新開胃嘅菜式為主導。如果夏天想食得夠fresh，越南菜相信係一個唔錯嘅選擇，所以今日就去到尖沙咀嘅Le Viet嘆越南菜啦！
香茅豬頸肉米紙卷
豬頸肉米紙卷比較少見，透薄煙韌嘅米紙包住香炸豬頸肉，菜同檬粉，沾上醬汁，清新之餘仲好有口感。
椒鹽魷魚鬚
即叫即炸嘅椒鹽魷魚鬚，非常香脆可口，加上椒鹽吊味，非常惹味。
手撕雞撈檬
夏天食越南菜點可以無撈檬！呢個檬粉配料十分多，雞肉手撕分明，醬汁份量啱啱好，每條檬粉都完美地掛上醬汁。
超載椰青海鮮焗飯
