【A&M Diary】疫情終於緩和，我哋可以約埋朋友仔去食晚飯喇！但淨係食晚飯又好似單調咗啲，所以我哋嚟到佐敦名峻會，呢度除咗可以督波，仲可以打吓麻雀，一舉三得。而且名峻會仲有好多獨立嘅房間，私隱度非常高，講吓八掛嘢都唔拍嘈到人啦！至於晚餐方面，名峻會以中菜為主，食物選擇都唔少。
涼拌雲耳
前菜就揀咗涼拌雲耳，雲耳充滿陳醋嘅酸甜味，口感爽脆，係夏天開胃菜首選！
粟米魚肚羹
粟米魚肚羹係小朋友最愛，但其實香甜粟米含維他命E同抗氧化物，再配上含豐富膠原蛋白嘅魚肚，湯羹美味又養顏，啱晒我哋呢啲日夜癲倒又長期吹冷氣嘅都市人啦！
姜蔥魚腩煲
魚腩份量好多，魚肉非常嫩滑，加上薑蔥調味，味道非常有層次。但略嫌魚骨較多，食嘅時候要小心。
