早前 ViuTV 播出港版《大叔的愛》大受歡迎，掀起一股BL（Boy’s Love）劇熱潮，就連艾粒的少爺占（甄子康）及當奴（唐劍康）都成為 BL 劇粉絲，更於黃 Viu 節目《同煲同BLOW》中即興聲演BL劇！
艾粒的少爺占及當奴與主持人麻利於節目中大談 BL 話題，由於少爺占在廣播劇中曾飾演同性戀角色「朱艷強」，更不時以「朱艷強」名義開騷，可謂早與 BL 結下不解緣。少爺占：「我都成日會睇 BL 劇為『朱艷強』取材，加上依家 BL 始終係大氣候，幾乎每套劇都會加入呢個元素。我自己會推介最近嘅泰劇《Bite Me The Series》，因為兩位男主角顏值都好高。」不過當奴就指初時對 BL 感抗拒，是後來看過《大叔的愛》才開始慢慢接受，並指自己很喜歡劇中飾演「阿牧」的演員林遣都。
節目中當然不少得考驗艾粒的配音功力，麻利要求他們重新為兩部 BL 劇《To My Star》及《Close Friend》配音，當看到兩位男主角「滾床單」的片段，少爺占與當奴發揮搞笑本色激情聲演，加上無厘頭對白及尖叫聲，令浪漫 BL 劇瞬間變成喜劇，徹底崩壞！
雖然艾粒在「黃Viu」煲 BL 劇期間接收了不少「腐能量」，但要二人親自合演 BL 劇，他們均「耍手擰頭」，只因覺得顏值不足。閱 BL 劇無數的少爺占笑言拍攝主角要狀態好好，些少水腫也不容許，因為每個男主角都是帥哥，「我見啲男主角髮型好硬，點吹都唔會亂，所以如果對自己個樣唔夠信心都拍唔到BL。」而當奴則鍾情古代 BL 劇，更是韓劇《哲仁王后》的粉絲，「《哲》係講一個現代直男穿越咗去古代王后嘅身體入面，我好鍾意呢類題材，始終喺古代 BL 唔係咁容易接受，好多故事都發生喺錯摸嘅世界，禁忌得嚟又帶啲含蓄。」
