抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為碧桂園、中國移動、騰訊控股、美團、聯想集團。
碧桂園2月合約銷售按年跌24%，但按月升13%，內房銷售差都唔係新鮮事，但今日同系碧桂園服務發盈警，股價一度錄雙位數跌幅，碧桂園系成為表現最差藍籌，係咪因為「兩會」未有利好內房嘅政策？內房股今朝普遍受壓，係咪提醒市場小心內房盈警潮快殺到？
富昌證券聯席董事譚朗蔚指，「兩會」暫時冇為內房板塊帶嚟太多利好消息或驚喜，碧服發盈警同內房運作模式有關，內房母企負責起樓及賣樓，之就交由物管公司收管理費，但過去幾年內房受信貸、違約等問題困擾，所以好少再起樓及賣樓，期下嘅物管公司自然冇乜增長。碧服發盈警唔係偶然，預期嚟緊好多同業物管公司都會發盈警。
Stevan又話，內房去年11月因為有放寬信貸消息，股價一路炒上，但未來唔可以再盲炒放寬信貸，始終有一日需回歸基本步，睇合約銷售，因此，內房及物管股最適合短炒嘅時機已過。
