【Now新聞台】截至早上11點， 1小時內《彭博》用戶關注度上升最多港股，依次為碧桂園服務、國泰航空、華潤置地、長城汽車、中梁控股。
碧服股價受折讓配股消息影響，今朝一開市就失守配股價53.35元，其後一度低見49.1元，但好快就上返50元樓上，幾時係撈底嘅好時機？
大華繼顯執行董事梁偉源指，近期有好多內房、物管股嘅集資活動，令市場覺得會陸續有來，對呢啲股份冇乜信心，但碧服年中配過一次股，當時配股價75.25元，今次就53.35元，足足平咗一大截，公司未來可以有多啲資金做收購，對盈利有幫助，投資者可以考慮喺50元水平吸納。
