【Now新聞台】截至早上11點止，《彭博》Top Search No.1為百威亞太，第2位至第5位為金沙中國、中銀香港、煤氣及新東方在綫。
百威亞太破底一度低見18元，一方面因為CORONA品牌名稱與冠狀病毒英文名稱相似，造成部分啤酒消費者唔願意買，另一方面就係，母公司百威英博旗下嘅墨西哥最大釀酒商，遵照當地政府指示，關閉非必要商業活動同生產，所以旗下CORONA等品牌都停產，咁佢嘅股價係咪會繼續跌？
協同博勤金融集團行政總裁曾永堅JASPER指，CORONA品牌名稱與冠狀病毒同名，會構成消費者心理上嘅影響。加上疫情持續，亞太區好多國家都禁止人多嘅聚會，相比起停產，啤酒嘅需求收縮先係最大嘅影響，而且疫情尚未受控，都唔知幾時才恢復需求，估計股價仍未見底......
