【Now新聞台】截至早上11點止，《彭博》Top Search No.1為藥明生物，第2位至第5位分別為申洲國際、創科實業、普拉達及新鴻基地產。
藥明生物喺3月4日發盈喜，股價破頂高見123.8後，至今累計跌幅逾一成半，較同業跌得多，點解會咁呢？
協同博勤金融集團行政總裁曾永堅認為，股份出現「拆倉」情況，因為自上周石油價格開始急跌，可謂令投資市場「牽一髮動全身」，促使好多基金、程式盤或機構投資者，都要喺不同資產市場沽貨套現，彌補油市的損失。
而事實上，藥明就算發咗盈喜，但預計市盈率都超過100倍，明顯喺高估值股份，呢類股份好易成為套現對象。
