【Now新聞台】截至早上11時止，《彭博》Top Search No.1為新鴻基地產，第2位至第5位為港交所、九龍倉置業、時代中國、新世界發展。
近日阿里巴巴大型上市集資、大摩上調港股目標等消息帶動港交所造好，中國證監會亦批准H股全流通改革，消息對港交所而言係咪一件好事？
協同博勤金融集團行政總裁曾永堅指，喺交易所角度睇，H股全流通增加機構投資者買賣股份參與度，同時可以配合衍生工具，有利催化交易量，對港交所係一個正面嘅消息。Jasper又話，如果H股全流通改革，可以改變港股市場結構或流通問題，市場上可以用估值同基本因素去主導股價，長遠嚟講對港交所更健康。
