【Now新聞台】截至早上11時止，《彭博》系統Top Search No.1為中金公司，第2至5位分別為閱文集團、恒基地產、長實集團、新鴻基地產。
中金開市前公布，折讓約7%配售H股股份，集資25億元作資本金。雖然中金股價今朝偏弱，但仍守得住配股價14.4元。
英皇證券銷售部副總裁林建華認為，中金趁大市表現仍然唔錯，加上有買家願意接貨，集資攞多啲錢。行業方面，Anthony認為，內地開放金融市場後，初期對券商股影響唔大，因外資需時適應玩法同規例，不過，若中美貿易戰中降溫，相信進入中國市場嘅外資會愈嚟愈多，到時就會影響到內地券商，同埋其他金融公司。
