【Now新聞台】截至早上11時止，《彭博》系統Top Search No.1為華潤置地、中信股份、中國鐵塔、平安好醫生及雅生活服務。
本港示威活動持續，零售業大受打擊，摩根士丹利出咗份報告，比較各主要商場上半年嘅銷售情況，發現大部分商場都錄得跌幅，升得比較明顯只有領展房產基金旗下商場同希慎廣場，而同時段香港整體零售銷售按年跌約3%。
高盛就認為，可以頂得住宏觀經濟下滑嘅只係領展，因旗下商場主要賣民生用品，再睇埋領展4至6月錄得約3%銷售增長，主要嚟自飲食、超市及食品，同埋一般零售，該行又引述管理層指，7月至8月嘅趨勢相若，所以睇好領展前景，目標價97元，維持「中性」評級。
