【Now新聞台】截至早上11時止，《彭博》系統Top search No.1為中國石油，其次為美高梅中國、平安好醫生、禹洲地產以及中國神華。
中港股市本身喺4月都有唔錯嘅表現，齊齊闖高峰，但其後亦齊齊自月內高位回調。內地唔少媒體文章評論都提到，4月北向資金「走鬼」，係股市喺高位撐唔住嘅一大理由。
不過，當上證指數落到近3000點水平，又再有資金流入。有分析提醒，上證歷來牛市，升幅都係以倍數計。但今次由年初低位開市升計起，升幅最多只有約30%，經過呢輪調整後，升幅更加得返約25%，睇嚟如果大家相信內地依家係牛市，就應該仲有排都未見頂。
