【Now新聞台】截至早上11時止，《彭博》系統Top search No.1 為中國燃氣、 比亞迪股份、新奧能源、中芯國際及美高梅中國。
亞馬遜創辦人貝索斯夫婦月初已經搞掂離婚嘅事，當日離婚消息一出，震驚成個金融界，但女方最後只分到亞馬遜4%股權，市值約360億美元，唔會對公司決策有影響。
唔講唔知，原來普通人離婚都會對經濟帶嚟唔少影響。據密歇根大學研究數據顯示，至上世紀90年代末，美國普通家庭收入約43600美元，單親家庭只有25300美元，少約42%，反映離婚會產生貧窮問題，繼而影響埋下一代。
