【Now新聞台】截至早上11時止，《彭博》系統Top Search No.1為中國神華，第2至第5位分別為新鴻基地產、復星國際、澳博控股及領展房產基金。
滙證篩選咗部分人民幣收入佔比超過70%，同主要原材料來自美國嘅上市公司，認為佢哋未來面對貿易戰嘅風險較高，當中石油石化股佔多數。不過Now財經台評論員趙善真就話，呢啲公司可能有其他營運因素抵銷貿戰影響，所以都唔代表股價會大跌。
趙Sir又話，部分大跌市中防守性較高嘅股份，其實都只係「相對」強勢，唔代表佢哋唔會跌。而且當大市轉勢，之前大跌嘅股份反而就因為估值吸引，而受資金追捧。
