【Now新聞台】截至早上11時止，《彭博》系統Top Search No.1為長實集團、新鴻基地產、太平洋航運、比亞迪電子及長和。
美股噚晚休市，焦點就落喺歐洲股市，受新興市場貨幣危機拖累，歐洲銀行股近期表現麻麻，道瓊斯歐洲銀行股指數更跌至今年低位。
Now財經台評論員趙善真話，歐洲銀行好受外來因素影響，加上歐洲銀行要到明年9月先有機會加息，反而美國聯儲局月底議息，市場估計今次加硬息，到時歐美息差又進一步擴大。
趙Sir又話，一般情況下，當歐美銀行嘅估值差距擴大到歷史水平，反映歐洲銀行估值偏低，甚至見底，銀行股喺往後一年通常會有好表現。
