【Viu】首奪「CHILL CLUB年度女歌手」嘅Serrini，笑言可能因為《漁樂無窮》而「釣」到女歌手獎，又建議Tyson拍下一輯，隨時再有機會攞獎。Tyson即狂食花生咁反擊Serrini今次好大鑊，事關社交網站已經見到好多負評，仲搞gag話：「我撐陳蕾嘅！」至於Tyson代林家謙領獎時嘅寸爆言論，佢就話唔敢睇電話住，但唔驚畀家謙詐型，因為缺席嘅人要後果自負，係型嘅！
此外，台灣代表Shou婁峻碩同Jud陳泳希首次出席香港嘅頒獎禮，大讚氣氛好High，Shou仲笑言一見到老友Tyson就叫佢著返好件衫，又笑Tyson搞到自己嘅容貌焦慮嚴重咗，所以6月個唱堅拒搵TY做嘉賓！
