【Viu】《第四十二屆香港電影金像獎頒獎禮》今晚舉行，除咗一眾提名人盛裝打扮外，金像獎嘅紅地氈向來係各大男神女神嘅「戰場」，台灣男神許光漢、吳慷仁靚仔又好戲就無庸置疑，香港代表就有Jeffrey同Will柯煒林，加埋今日嚟做兼職主持嘅193，大家又覺得邊位最搶眼呢？許老公同慷仁哥暢談首次行金像獎紅地氈嘅感受，大讚風景靚，仲讚香港女仔添噃，係咪好想知呢？而Deep V上陣嘅Will，心口流晒汗，連Jeffrey都話想幫手抹，喂，呢啲粗重嘢等小編嚟啦！
一眾女神同樣養眼，Stephy激罕露半球性感現身，成功Big走林明禎，加埋永恆女神劉嘉玲，同埋久未露面嘅Angelababy同林熙蕾，真係眼睛去旅行呀！而陳蕾就笑談40吋胸肌，到底佢想唔想摸吓呢？睇訪問就知啦！
