【Viu】Deep吳浩康完成戶外騷後受訪，鬆一口氣指喺演唱會前夕病咗勁大壓力！講到之後約定fans喺紅館相見，佢話呢個係終點站，過程中都會有其他站，會再從長計議！
講到佢喺多謝髮型師嗰陣爆喊，Deep話當下諗番好多出道後嘅高低起跌，至於點解冇公開多謝老婆郭思琳？Deep亦有怕醜解釋！仲預告之後會同老婆有個大project，係關於佢哋喺婚姻中未做到嘅嘢，真係好神秘！而一提起囝囝「撑撑」，Deep搞笑模仿囝囝首次睇爸爸演唱會個迷惘樣，笑話撑撑唔認得多咗頭髮嘅自己！
而Deep喺台上承諾fans會再有新嘅代表作，私下都真係有歌喺手，只係差錄音部份，會喺地盤工作之間唧啲時間出嚟，預計5月推出，今晚都有邀請地盤工友睇騷！另外，提到Deep早前替Steven張致恒抱不平，佢指唔再作回應就係對佢嘅支持。
