【Viu】「職安真漢子」Deep吳浩康今日舉行戶外演唱會,同1200名fans sweet過元宵佳節!去到個唱中段,終於聽到Deep嗰首經典之中嘅經典《洗剪吹》,前奏一響全場fans拍手歡呼,聽live演繹係正嘅!Deep飲水思源感謝舊公司英皇喺過去20年嘅栽培,先至會有咁多人認識自己嘅歌,又向fans承諾會一路唱落去,會有新嘅代表作!
Deep搞笑話之所以會揀初十五開騷,只有一個原因,就係想逗利是!唱到《感覺蘇豪》嗰陣,Deep落台逗利是兼同fans自拍放題,場面勁墟冚!喺致謝環節Deep因一男子而爆喊,呢位就係髮型師!
去到Encore位,Deep特別多謝爸爸,笑話:「如果我有個咁嘅仔,真係慘!」最後點少得另一首經典作《先入為主》,大合唱永遠都係最好聽!另外,今晚嚟睇騷嘅藝人有保錡@ERROR、阿神、吳肇軒、莊韻澄、伍仲衡、周國豐等。