【Viu】Jeffrey魏浚笙同林明禎因拍電影《飯戲攻心2》成CP,呢日佢哋孖住現身馬場event搵真銀,受訪時預告之後會密啲以「情侶檔」出現,甚至即場搲撈添,真係點夠佢哋玩?除咗廣告,呢對CP話想出合唱歌,仲要係跳唱嘅,好吸引呀。
見明禎BB今日勁開心,原來家姐、細佬嚟咗陪佢返工,呢家人嘅基因真係令人葡萄!不過BB話佢哋聽日就飛走,佢要一個人孤零零過聖誕節啦!至於講到日前同光B出活動,網民質疑光B好似「鹹豬手」明禎,明禎靈機一觸取巧回應!
同場仲有「老公」林柏宏,首入馬場既興奮又期待,仲話啱啱睇咗一場賽事,但就冇小賭怡情,因為自覺冇財運呀!單計今年,柏宏已經係第5次嚟香港,唔知佢啲廣東話有冇進步呢?即場考試,睇吓佢接唔接到招啦!另外,講到失落金馬影帝,佢話一啲都冇唔開心,可以參加金馬60係榮幸,又戥好友方志友攞獎開心添!主演新劇勁hit,柏宏飾演渣男角色,佢自己又點睇呢?即刻去片啦!