【Viu】Jeffrey魏浚笙今日出席商場聖誕亮燈儀式，吸引大批「咖啡豆」捧場，仲率先送上新歌《我的世界地圖》。受訪時，Jeffrey還原撞傷鼻哥嘅過程，估唔到係因為一度玻璃門，雖然有啲「6+1」，但佢就勁「中二」咁話因禍得福，自覺變咗鷹鼻，大家真係要「認住呢隻鷹」喇！
Jeffrey又分享新歌點解搵嚟Ivana同Wyman作曲填詞，但對於新人獎就隨緣喇，仲話已經諗定著咩look去頒獎禮搶fo添呀！
講到老友Edan 1 Take Pass考到車牌，肥過佬嘅Jeffrey坦言壓力好大，但都會試吓Edan手車得唔得，仲踢爆咗Edan一個天大嘅秘密添呀！笑Cry呀！
此外，Jeffrey都有回應「家姐」Hillary分手一事，但笑言擔心阿正多啲，仲親自傳授搶花球秘技畀阿正！想同Jeffrey笑住食Dinner，記得睇呢個足本訪問喇！
