【Viu】樂壇天后Kelly陳慧琳、「教主」Anson Lo盧瀚霆、胡杏兒同Jaime張天穎等今晚出席品牌活動，吸引大批神徒為教主應援，場面熱鬧！
踩足全日嘅Anson Lo，精神飽滿，當聽到現場男攝記高呼：「撈撈豬！」時，佢仲拎起電話記錄搞笑片段，心情大靚！「劇透Lo」透露下月嘅迪士尼Fans Meeting節目豐富，仲推舉咗MIRROR某「大隻仔」扮美人魚，笑Cry呀！講到Kelly講明要Mark佢期做明年底嘅個唱嘉賓，教主再度「撈撈豬」上線，驚訝咁話：「真係㗎？」
至於Kelly除咗想請AL做嘉賓外，原來對MIRROR演唱會都有興趣，仲擔心搶唔到飛添呀！而杏兒就話3個仔好有表演慾，鍾意唱歌跳舞，仲話會嘗試畀佢哋聽MIRROR嘅歌學跳舞，有品味喎！
想知Anson Lo再見Kelly有咩感想？會唔會加入MIRROR考車牌嘅行列？點樣回應港版《社內相親》嘅評論？記得睇資訊量max嘅足本訪問喇！
