【Viu】新劇《那年盛夏 我們綻放如花》係Louise王丹妮嘅處女劇，講到首次拍電視劇，佢都話有少少緊張，仲自爆一開始睇劇本以為自己演學生，點知事後發現6A班學生原來咁後生，真係笑cry！
而喺劇中飾演Louise細佬嘅Shin張毓軒就話家姐嘅造型好有威嚴，搞到佢一開始都有啲驚驚啊！
講到劇中嘅難忘場口，兩位都異口同聲指其中一場鬧交戲令佢哋印象深刻，Louise仲話因為自己現實中都有一個細佬，所以投放咗好多真實感情落去，鬧到個心都痛埋啊！而Shin就劇透嗰場戲唔止動口，仲動埋手，所以特別難忘！想知佢哋仲分享咗啲咩拍攝趣事？即刻睇片啦！
