【Viu】Kelly陳慧琳嚟緊9月底，會喺澳門舉行一連兩場演唱會，相隔4年再同澳門fans見面，當然要搞搞新意思，到時除咗獻唱新歌之外，亦會將舊歌重新編曲，希望為歌迷帶嚟驚喜！向來開騷造型都型到裂嘅Kelly，早前已經率先睇過舞台服裝，佢劇透話有啲衫大玩高衩，搞到佢都有啲驚驚，唔夠膽著，事關佢話自己喺疫情期間肥咗兩個碼，身材唔好要靠布遮啊！
至於嘉賓方面，早前為Anson Lo亞博騷尾場擔任嘉賓嘅Kelly就話，如果Anson Lo願意嚟還債做嘉賓嘅話，佢非常歡迎！仲隔空叫欠緊佢債嘅歌手朋友要自動蒲頭添，認真搞笑！
