【Viu】日本著名男歌手近藤真彥事隔7年再臨香港，今次專登嚟賀老友連炎輝入行40周年！佢話感覺到香港仍然活力十足，講到同連炎輝相識經過，近藤真彥話係佢第一個演唱會認識，即足足35年前！月前佢接受頸椎手術，近藤真彥報平安指已康復9成，依家亦再冇手痺現象！賽車方面，因為已升上管理層人員，就冇再參賽啦！
佢透露遲吓會舉行日本巡迴演唱會，希望會有香港站，連炎輝話到時會飛去日本睇騷：「每次代表一個人去睇騷。」不過此香港行程緊湊，近藤真彥話未有時間去拜祭梅艷芳，而連炎輝指或12月、梅姐離世20周年嘅時候再結伴去拜祭。
