【Viu】初代目《全民造星》參賽者Tik鄧禮迪（迪迪仔）早排推出處男作《同類》，希望社會少啲標籤；多啲愛同包容。Tik直言玩《造星》時經常被批評「得個樣」，所以呢5年努力喺各方面增值自己，希望搣甩「花瓶」標籤之餘，同時磨練周身刀張張利，用音樂說話。
回顧追夢之路，Tik感激《造星》隊友AK、Jer同Edan扶持，令佢檢視到自己嘅不足，同Ian、保錡、193嘅友誼仲維持到今時今日，保錡仲喺出歌方面提供唔少意見，超Warm㗎！雖然已經結婚生女，但Tik會繼續堅持音樂夢，亦感激家人一直喺背後支持，祝福Tik All the Best啦！
