【Viu】喺台灣被譽為「行走費洛蒙」嘅E.SO 瘦子，今次將香港作為佢海外巡演首站，仲提前預告演唱會好兄弟頑童MJ116都會嚟撐場！講到呢幾年單飛做音樂嘅心路歷程，E.SO話最緊要就係要對得住初心，不過都要兼顧面包，所以喺呢方面佢都一直努力搵緊平衡點，仲話希望年尾可以有一個月獨處嘅時間，俾自己好好創作新專輯！
其實Rapper同Idol一樣都有好重包袱，不過E.SO都話自己比起以前已經open咗好多，連拍戲都好welcome，連佢最怕嘅談情戲，都喺佢嘅處男電影《速命道》赤裸裸地展現俾大家睇，仲話已經係佢嘅人生底線！所以下次有機會再拍戲，佢都想挑戰打仔角色，甚至演奸角壞人都冇問題！
