【Viu】姜濤今日同Mandy譚旻萱、岑珈其出席HPV活動，仲同幸運姜糖影合照，點知有姜糖喺合照時推開「前夫」，笑Cry姜Admin呀！
Mandy自爆拍攝時同「籃神姜」打1on1，輸到想覆啅，但姜Admin就講明「不了」，事關如果再打，輸畀女仔太冇面喇！講返日前與NBA球星列拿特同場，姜Admin自覺上籃炒粉好樣衰，但強調平時唔會炒，仲笑認英文差，唔敢叫「真．籃神」Follow自己。
至於演唱會，姜濤話噚晚終於定好Rundown，保證好睇，又笑指見到網友留言先知「我是濤」主題嘅poster似小豬。此外，姜濤最近都有留意《全民造星V》，仲翻睇《造星I》添，仲爆當年同路人自我介紹嘅鏡頭被刪添！
