【Viu】ANSONBEAN噚日現身藝術展覽，笑話咁耐冇見大家係因應拍緊新戲，最開心係考咗幾個月嘅車牌，終於大派用場，初嘗揸車滋味鬼咁興奮呀！不過講到興奮，形容「豆粉」仲貼切，事關ANSONBEAN話拍戲期間寫咗首快歌，畀大家更認識佢！而身為「造星」師兄嘅佢，都話有留意到新一季季員嘅表演，睇好Taco同希晉入三甲添！
同場林千渟首演電影《我們的十八歲》，近日先推出預告，片中見佢勁sexy內衣上陣，問到係咪已經係最大尺度？佢笑話要交畀觀眾幫佢定奪！打趣問拍完有冇鍾意咗着「海潮」式跌膊裝？千渟笑話冇，私下打扮比較男仔頭！
