【Viu】由ANSONBEAN、Kayan9896、林千渟主演嘅愛情喜劇《Diane Be True呈獻：#她和她的戀愛小動作》，噚日7號上架，3人首次合作已經擦出勁多火花，仲異口同聲咁話愛上拍喜劇添。劇中飾演暖男嘅BEANBEAN話拍完呢套劇都學識點樣溫柔啲，而Kayan就指角色有唔少小動作都同自己好相似，例如巴渣同成日遲到，所以佢都叫大家千祈唔好學，問到角色好sociable同成日flirt仔，千渟就即刻搶答講笑話同Kayan都好似，真係俾你地笑死啊！另外Kayan就爆BEANBEAN 最多NG，因為演得太落力而成日撞爛道具，有次仲撞得個頭添啊陰公，不過每次拍出嚟嘅效果大家都好滿意，係勁嘅！而拍完劇學識做暖男嘅BEANBEAN仲準備生日驚喜送俾千渟同Kayan呢2位9月壽星添！
