【Viu】Phoebus@P1X3L charm爆現身品牌活動，佢透露啱啱拍完ViuTV新劇《飛黃騰達》，就即刻去另一team劇組開工，劇接劇冇停手，努力向大目標影帝進發！
另一邊廂，puzzle同大家最關心就梗係舉行音樂會嘅進度，但適逢環球唱片高層Duncan今個月離職，Phoebus預告初步決定下年開騷，依家儲緊歌，件事終於有啲眉目啦！而喺開騷前，P1X3L會同YOLICA、Ash、Win Win去台灣拍綜藝，其中一日會喺西門町開騷，Phoebus話收到通知同P1X3L係真開心，仲出冧招叫puzzle到時去支持啦！
