【Viu】元宵佳節梗係要猜下燈謎啦！但估唔到P1X3L猜燈謎猜到George差啲得罪圈中前輩噃，究竟係咩事？記得睇片啦！
另外，P1X3L仲同大家分享新年願望，Phoebus預告今年成軍兩周年，唔單止會有團歌，仲會有成員嘅個人作品添，但至於幾時推出就要繼續保密嘞！而講到網民好buy佢哋嘅自嘲路線，佢哋都表示只係誤打誤撞出嚟嘅形象啫，純粹抒發自己感受，其實3位成員都好樂觀正能量㗎！提到有網民覺得P1X3L開始ERROR化，Marco就話可能因為之前偏向節目發展，所以剩係見到佢哋喺綜藝方面嘅形象，不過嚟緊會出多啲音樂作品，等大家加深對P1X3L嘅認識啊！
