【Viu】430姜濤誕又點止得科學園慈善步行呢，「姜濤灣」先係重點！姜濤香港後援會秉承上年嘅安排，今年繼續喺430請全港巿民搭叮叮，仲邀請埋有份演出《季前賽》嘅童星阿Bean楊千攸撐場，氣氛超High呀！
有份登上「姜濤呢」嘅50名姜糖，沿途大叫「姜濤生日快樂」，巿民亦紛紛拎出電話，影低姜叮出巡嘅盛況！當「姜濤號」駛入「姜濤灣」，絕對係萬人空巷，姜糖同巿民齊齊尖叫兼唱生日歌，而黃金廣場、金百利、銅鑼灣地帶同皇室堡都佈滿派應援同打卡嘅姜糖，Let’s Enjoy Keung To’s Party！
