【Viu】姜濤今日出席自家品牌「To Zero」發佈會，榮升姜老闆當然心情大靚，除咗親解品牌創作概念，仲同姜糖大合照，全場Fans亦獻唱生日歌賀偶像430生日，超有愛呀！
姜濤透露品牌籌備半年，投資7位數左右，仲有童裝系列，收益會定期撥捐慈善，愛心爆棚！姜老闆有問MIRROR其他成員取經，唔擔心冧Server，仲話會送衫畀一班兄弟，好豪爽喎！
講到全城期待嘅MIRROR演唱會補場，姜濤就要經理人花姐「救駕」喇，又笑言淨係知道自己8月開個人騷，所以要密鑼緊鼓造歌呀，希望5月去馬來西亞開騷時，順道邀請偶像小豬做嘉賓！
