【Viu】港台DJ鄧添樂憑《香江暖流》中「極速15秒」環節「決戰」林婆婆而成為網絡紅人，連星爺都大讚佢係奇才！樂仔今日接受Viu1訪問時話，社交平台喺一星期內急升2000 Followers，慶幸得到網友正評，但自己對於人氣急升就緊張到胃痛喇！不過，樂仔坦言獲星爺「點燈」受寵若驚，仲即席向星爺下戰書，想當面聽到星爺講笑話，考驗自己嘅忍笑功力呀！
講到林婆婆同樣Hit爆，樂仔話對方係節目嘅忠實聽眾，但無意搵出林婆婆真身，唔想打擾老友記平靜嘅生活！最後樂仔仲即席挑機「極速15秒」蔬菜版，想知到底誰勝誰負，睇訪問咪知囉！
