【Viu】Kelly陳慧琳相隔6年再次為佢嘅陳慧琳兒童助學基金舉行慈善拍賣，今次佢拎咗好多心頭好出嚟賣，包括手袋、靚衫、首飾配件同小朋友玩具，仲爆料話仔仔嚟到之後，再偷偷地將幾件擺返入袋添！至於價錢係咪由佢自己訂價？佢就話唔敢問，因為佢會好心痛呀！
Kelly 透露疫情期間，佢嘅慈善基金幫助咗500幾個家庭、又買咗好多檢測棒，當時買成30幾蚊一支，後期就跌價跌到7蚊，佢大嗌好貴！所以希望透過今次義賣，為基金會增加收入！
最近出新歌《風眼》嘅佢，透露接下來會繼續出歌，至於幾時開演唱會？Kelly 就話今年都唔會喇！
